Bieśpiłotnik atakavaŭ avijabazu ŭ hłybini Rasii. Paškodžanyja stratehičnyja bambaviki
Dva samaloty Tu-95 paškodžanyja ŭ vyniku ataki drona na avijabazie ŭ Sarataŭskaj vobłaści. Pa źviestkach krynic telehram-kanała ASTRA, ataka adbyłasia siońnia ranicaj, 5 śniežnia. Adnačasova adbyŭsia mahutny vybuch na aeradromie ŭ Razani.
05.12.2022 / 09:59
Vybuch u Enhielsie. Skrynšot ź videa
Nieŭstanoŭleny bieśpiłotnik atakavaŭ uźlotnuju pałasu na avijabazie «Enhiels-1». U vyniku paškodžańni atrymali jak minimum dva bambardziroŭščyki-rakietanoscy Tu-95. Dvoje vajskoŭcaŭ atrymali ranieńni, jany špitalizavany.
Dniami ŭkrainskija ŚMI paviedamlali pra vylety va Ukrainu samalotaŭ Tu-95 mienavita z aeradroma ŭ Enhielsie.
Adnačasova na aeradromie pad Razańniu vybuchnuŭ bienzavoz. Byŭ paškodžany jak minimum adzin samalot. Pavodle aficyjnych źviestak, zahinuli try čałavieki, jašče šeść paciarpieli.