Stała viadoma pra novy abmien pałonnymi pamiž Ukrainaj i Rasijaj

Novy abmien vajennapałonnymi arhanizavali Rasija i Ukraina, paviedamiŭ v.a. kiraŭnika «DNR» Dzianis Pušylin. Heta čaćviorty abmien pałonnymi z Kijevam krychu bolš čym za tydzień.

01.12.2022 / 15:46

Rasija i Ukraina pravodziać novy abmien pałonnymi, paviedamiŭ u svaim telehram-kanale Dzianis Pušylin.

«Siońnia prachodzić čarhovy abmien z Kijevam. Dadomu viartajem 50 rasijskich vajskoŭcaŭ», — napisaŭ jon, patłumačyŭšy, što Ukraina atrymaje ŭ abmien 50 svaich vajskoŭcaŭ.

Pavodle jaho, siarod tych, kaho pieradaduć Rasii, — dvanaccać bajcoŭ z «DNR», vosiem z «ŁNR».

Minułyja abmieny vajennapałonnymi byli 23, 24 i 26 listapada. U vyniku hetych troch abmienaŭ u Rasiju ŭdałosia viarnuć 94 vajskoŭcaŭ. Kiraŭnik Ofisa prezidenta Ukrainy Andrej Jarmak kazaŭ tady, što Kijeŭ viarnuŭ dzieviać vajskoŭcaŭ i traich cyvilnych. Siarod tych, kaho abmianiali, — udzielniki abarony Maryupala, Čarnobylskaj AES i vostrava Źmiainy.

Nashaniva.com