Лаўроў: У нас і Сталінград быў нашай тэрыторыяй

Міністр замежных спраў Расіі патлумачыў, навошта Расія б’е па Херсоне, калі лічыць яго сваім.

01.12.2022 / 14:46

Кіраўнік МЗС РФ Сяргей Лаўроў параўнаў Херсон і Сталінград, калі яго папрасілі адказаць на пытанне, навошта расійскія войскі абстрэльваюць інфраструктуру ў горадзе, які лічаць сваёй тэрыторыяй.

«Ну, у нас і горад Сталінград быў нашай тэрыторыяй. І мы там немцаў білі і так білі, што яны адтуль уцяклі», — заявіў Лаўроў.

Лаўроў таксама адзначыў, што ўдары па энергетычнай інфраструктуры Расія наносіць з мэтай не дазволіць «напампоўваць Украіну смяротнай зброяй, каб забіваць рускіх».

Расія анексавала Херсонскую вобласць у пачатку кастрычніка. На той момант расійскія войскі кантралявалі практычна ўвесь рэгіён. У пачатку лістапада расіяне адступілі з Херсона на левы бераг Дняпра, а ў сам горад увайшлі УСУ.

Nashaniva.com