Financial Times: Zasnavalnik Alibaba źjechaŭ z Kitaja
Zasnavalnik kampanii Alibaba, miljarder Džek Ma pakinuŭ Kitaj i ŭžo amal paŭhoda žyvie ŭ Tokia. Pra heta paviedamiła hazieta Financial Times sa spasyłkaj na słovy krynic, znajomych ź miescaznachodžańniem niekali samaha bahataha bizneśmiena Kitaja.
29.11.2022 / 22:02
Džek Ma. Fota: AP Photo/Firdia Lisnawati, File
Hazieta padkreśliła, što Džek Ma źjechaŭ z Kitaja «na fonie cisku Piekina na technałahičny siektar krainy i jaje samych upłyvovych biznesoŭcaŭ». Sa słoŭ krynic, Ma źjechaŭ u Japoniju razam ź siamjoj, asabistym kucharam i achovaj.
Financial Times piša, što bizneśmien trymajecca ŭ cieni, naviedvaje pryvatnyja kłuby ŭ Tokia, «staŭ haračym kalekcyjanieram» i pačaŭ malavać akvarellu, «kab prabavić čas». Pa źviestkach haziety, Ma naviedvaje haračyja krynicy i harnałyžnyja kurorty ŭ miežach Tokia, a taksama rehularna jeździć u ZŠA i Izrail.
Džek Ma praktyčna pierastaŭ źjaŭlacca na publicy paśla taho, jak u kastryčniku 2020 hoda, vystupajučy na kanfierencyi ŭ Šanchai, raskrytykavaŭ kitajskich rehulataraŭ i abvinavaciŭ dziaržaŭnyja banki ŭ «mientalitecie łambarda». Paśla hetaha kitajskija finansavyja rehulatary vyklikali Ma na razmovu.
Praź miesiac bizneśmien u apošni momant adkłaŭ vychad na biržu svajoj fintech-kampanii Ant Group. A ŭ 2021 hodzie ŭłady Kitaja aštrafavali Alibaba na rekordnyja dla krainy 2,8 miljarda dalaraŭ za parušeńni antymanapolnaha zakanadaŭstva.