Ukrainskaha piśmieńnika znajšli ŭ brackaj mahile zabitych rasijanami ŭ Iziumie. Jon byŭ inicyjataram vydańnia antałohii biełaruskaj paezii
Ukrainskaha dziciačaha piśmieńnika i vałanciora Uładzimira Vakulenku vykrali i zabili rasijskija sałdaty padčas akupacyi imi častki Charkaŭščyny. Jaho cieła znajšli razam z sotniami inšych ludziej u masavych pachavańniach u Iziumie. Hibiel Uładzimira pacvierdziła DNK-ekśpiertyza.
28.11.2022 / 23:17
Fota z sacyjalnych sietak
Dla biełarusaŭ Uładzimir Vakulenka taksama byŭ nie čužym čałaviekam. Na jahonuju śmierć adhuknuŭsia ŭ fejsbuku biełaruski paet Andrej Chadanovič:
«Uładzimir — viadomy dziciačy piśmieńnik, aŭtar tuzinu knih, łaŭreat šerahu litaraturnych premijaŭ.
Va Uładzimira zastaŭsia niepaŭnahadovy syn, jaki maje invalidnaść i patrabuje dapamohi.
U 2020-m Vałodzia byŭ adnym ź pieršych litarataraŭ, chto adhuknuŭsia na biełaruskija pratesty i represii. Źviarnuŭsia da paetaŭ i pierakładčykaŭ — i padrychtavaŭ antałohiju biełaruskaj paezii «Žyvie Biełaruś! Za našu i vašu svabodu!»
Śvietłaja i viečnaja pamiać…»