Siłaviki prychodzili da baćki ksiandza Viačasłava Barka
Siońnia ź milicyi pryjšli da baćki katalickaha śviatara Viačasłava Barka, jaki žyvie ŭ Miorach Viciebskaj vobłaści. Jaho apytvali ŭ suviazi z udziełam śviatara ŭ videa dla kanała «Chartyja-97» «Biełaruski śviatar raspavioŭ, kali padzie režym Łukašenki», apublikavanym dva miesiacy tamu, paviedamlaje «Chryścijanskaja vizija».
25.11.2022 / 23:34
Pytańni tyčylisia taho, ci ŭžyvaje ksiondz Viačasłaŭ ałkahol i narkotyki, ci maje majomaść. Milicyju taksama cikaviła, kali jon vierniecca ŭ Biełaruś.
Ksiondz Viačasłaŭ Barok — viadomy katalicki śviatar, aŭtar jutub-kanała «Ksiondz Barok». Uletku 2021 hoda jon byŭ vymušany vyjechać ź Biełarusi ŭ Polšču ŭ suviazi ź pieraśledam, jakomu padviarhaŭsia z boku režymu Łukašenki. Ciapier jon kiraŭnik Biełaruskaj katalickaj hramady ŭ Varšavie, jakaja dziejničaje pry kaściole Śviatoha Alaksandra na placy Troch Kryžoŭ.