Na palitźniavolenuju Darju Łosik ciśnie administracyja bresckaha SIZA
Stała viadoma, što administracyja bresckaha SIZA-7 pačała zaličvać vahu pasyłak dla Darji ŭ ahulnuju vahu pieradač. Zvyčajna viaźniam možna pieradavać 30 kh pieradačy ŭ miesiac i dadatkova dasyłać nieabmiežavanuju kolkaść pasyłak vahoj 50 kh. Ciapier jaje ŭ hetym abmiežavali, piša «Viasna».
25.11.2022 / 09:24
Tamu nie dasyłajcie joj pasyłki biez uzhadnieńnia sa svajakami, bo praz ustanoŭleny limit jana moža zastacca bieź nieabchodnych rečaŭ.
Listy ad Dar‘i amal nie dachodziać.
Nahadajem, Dar‘iu Łosik, žonku palitviaźnia Ihara Łosika, zatrymali 18 kastryčnika. Z taho času jaje ŭtrymlivajuć u bresckim SIZA-7. Dačka Ihara i Darji ciapier znachodzicca ŭ babuli ź dziadulem.
30 listapada Darja adznačyć 31-hoddzie za kratami, a 28 listapada budzie roŭna 13 hod ź pieršaha spatkańnia ź Iharam. Padtrymać jaje možna telehramami i hrašovymi pieravodami.
Adras dla vinšavańniaŭ Darji: SIZA-7, 224030, Brest, Savieckich pamiežnikaŭ, 37, Darji Alaksandraŭnie Łosik