Zialenski zajaviŭ, što hatovy razhledzieć viartańnie Kryma nievajennym šlacham
Prezident Ukrainy Uładzimir Zialenski ŭ intervju Financial Times zajaviŭ, što «budzie tolki za», kali chtości prapanuje Kijevu sposab viartańnia Kryma ŭ skład krainy nievajennym šlacham.
25.11.2022 / 08:27
«Ja razumieju, što ŭsio zakłapočany situacyjaj i tym, što budzie z Krymam», — skazaŭ jon, adznačyŭšy, što, kali prapanavanaje Ukrainie rašeńnie praduhledžvaje, što paŭvostraŭ zastaniecca ŭ składzie Rasii, «na heta nie varta marnavać svoj čas».
Pavodle słoŭ ukrainskaha lidara, uzbrojeny kanflikt nie zavieršycca da taho času, pakul kraina nie viernie sabie stračanyja terytoryi, u advarotnym vypadku adnaŭleńnie bajavych dziejańniaŭ budzie pytańniem času.
U žniŭni Zialenski kazaŭ, što Ukraina hatovaja viartać Krym «lubymi srodkami, jakija paličyć pravilnymi». Kiraŭnik akupacyjnaj administracyi Kryma Siarhiej Aksionaŭ u adkaz zajaviŭ, što paŭvostraŭ nikoli nie pierastanie być častkaj Rasii.