Kiraŭnik MZS Małdovy: 90 pracentaŭ krainy zastałosia biez elektryčnaści
Na bolšaj častcy Małdovy, jak i paśla minułych rasijskich abstrełaŭ, adklučyłasia elektryčnaść, zajaviŭ kiraŭnik małdoŭskaha MZS Niku Papiesku ŭ intervju prahramie Bi-bi-si Newshour.
24.11.2022 / 07:58
«Ja baču vielmi mała ahnioŭ, 90% krainy biez elektryčnaści», — skazaŭ Papiesku.
«Tralejbusy, śviatłafory, vadapravod — adklučeńnie elektryčnaści zakranuła ŭsio. Tradycyjna my impartujem elektraenierhiju z Ukrainy i Rumynii. Za apošnija paŭtara miesiaca byli pieraboi, ale siońnia błekaŭt našmat horšy», — dadaŭ ministr.
«Heta škoda, śpiecyjalna pryčynienaja Rasijaj. Nam patrebnaja elektryčnaść. Nam patrebny haz. Nie ŭpeŭnieny, što nam jość, adkul ich uziać. Heta vielmi niebiaśpiečnaja situacyja. Małdavanie mohuć pasprabavać źjechać u ES. Mahčyma, my sutyknulisia z humanitarnym kryzisam, jaki adčuje ŭsia Jeŭropa», — skazaŭ Papiesku.