Sud nad Andžejem Pačobutam adkłali na nieviadomy termin
Sudovy praces nad palitźniavolenym žurnalistam Andžejem Pačobutam adkładvajecca, paviedamlaje Biełaruskaja asacyjacyja žurnalistaŭ.
22.11.2022 / 23:51
Raniej paviedamlałasia, što praces musiŭ pačacca 28 listapada. Novuju datu pracesu ŭ Hrodzienskim abłasnym sudzie pakul nie nazvali.
Andžej Pačobut za kratami z 25 sakavika 2021 hoda.
Žurnalista vinavaciać pavodle dvuch artykułaŭ Kryminalnaha kodeksa — raspalvańnie varožaści (č. 3 art. 130 KK) i zakliki da sankcyj (č. 3 art. 361 KK). Padstavaj dla kryminalnaj spravy stali vystupy Pačobuta ŭ ŚMI. U pryvatnaści, jon nazvaŭ napad SSSR na Polšču ŭ 1939 hodzie ahresijaj.