Huawei addzielić biznes u Biełarusi i Rasii ad inšych krain SND
Huawei Enterprise padzialiła karparatyŭnaje padraździaleńnie ŭ rehijonie Jeŭrazija na dźvie častki. Rasijska-biełaruskaja zastaniecca ŭ Maskvie, a pracu ŭ astatnich krainach SND budzie kuryravać štab-kvatera ŭ Bachrejnie. Pra heta vydańniu «Viedamaści» raskazali dźvie blizkija da kampanii krynicy, paviedamlaje Dev.by.
22.11.2022 / 19:43
Zdymak ilustracyjny. Fota: AP Photo/Mark Schiefelbein
Niekatoryja supracoŭniki, jakija adkazvajuć za raźvićcio biznesu ŭ Biełarusi i Rasii, zastalisia ŭ Maskvie, jašče častka rełakavałasia ŭ Kitaj. U samim Huawei ad kamientaryjaŭ admovilisia.
Padraździaleńnie Huawei Enterprise, jakoje pracavała ŭ Rasii, zajmałasia pastaŭkaj IT— i telekam-rašeńniaŭ karparatyŭnym zakazčykam taksama ŭ Azierbajdžan, Armieniju, Biełaruś, Hruziju, Kazachstan, Kyrhyzstan, Manhołiju, Tadžykistan, Turkmienistan i Uźbiekistan.
Hiendyrektar Enterprise ŭ Jeŭrazii jašče letam źjechaŭ z Rasii pa zakančeńni kantrakta. Na jaho miesca pakul nikoha nie pryznačyli. Na dumku krynic vydańnia, rasijski štat skarociać «da prytomnaha funkcyjanavańnia».
Stanam na červień 2021 hoda ŭ biełaruskim padraździaleńni Huawei pracavała prykładna 200 supracoŭnikaŭ, kala 70% ź ich — biełarusy.