Minčuka Mikałaja Buckaha asudzili na 2 hady «chatniaj chimii» za ŭdzieł u maršy
U Leninskim sudzie Minska 3 listapada asudzili Mikałaja Buckaha pavodle č. 1 art. 342 (aktyŭny ŭdzieł u dziejańniach, jakija hruba parušajuć hramadski paradak) Kryminalnaha kodeksa. Suddzia Taćciana Šocik pryznačyła jamu 2 hady abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»), paviedamlaje «Viasna».
21.11.2022 / 19:27
Mikałaja abvinavacili ŭ tym, što jon u 2020 hodzie ŭ Minsku ŭdzielničaŭ u maršy. Z sudovaj pastanovy vynikaje, što miescaznachodžańnie Mikałaja vyličyli pa bilinhu jaho telefona. Sud u jakaści dokazu viny padaŭ «pratakoł ahladu danych ab telefonnych złučeńniach abanienckaha numara».