U centry Minska źniasuć choładakambinat, a na jaho miescy pabudujuć šmatfukcyjanalny kompleks
U Partyzanskim rajonie Minska ŭłady vynieśli na hramadskaje abmierkavańnie płan kvartała žyłoj zabudovy ŭ miežach vuł. Ivanaŭskaj — Andrejeŭskaj — Pulichava — zav. Nahornaha — miascovaha prajezda.
21.11.2022 / 15:52
Choładakambinat №1
Što tam moža źmianicca, raźbiraŭsia Office Life.
Da 2024 hoda ŭ kvartale chočuć pabudavać administracyjny budynak i rekanstrujavać boksavyja haražy za haścinicaj «40 hadoŭ Pieramohi».
Uzdoŭž vulicy Andrejeŭskaj, na miescy kamunalnaj zabudovy pradpryjemstva «BiełEZ», kinałahičnaj vajskovaj čaści i dvuchpaviarchovika na vulicy Ivanaŭskaj, 50, źjavicca šmatkvaternaja žyłaja zabudova z ubudavanymi pamiaškańniami hramadskaha pryznačeńnia i padziemnym haražom. Staryja budynki źniasuć.
Da 2030 hoda płanujuć źnieści budynki choładakambinata № 1 na vulicy Pieršamajskaj i ŭźvieści tam šmatfunkcyjanalny hramadski kompleks z parkinham.
Płan praduhledžvaje zachavańnie i dobraŭparadkavańnie azielanionych terytoryj-skvieraŭ na vulicy Pulichava (la muzieja Azhura) i vulicy Ślasarnaj.
Taksama źjaviacca 4 novyja skviery: na vuł. Zacharava — Azhura, vuł. Zacharava — Ślasarnaj (kala himnazii № 7), vuł. Pulichava (kala doma № 21) i na skryžavańni vuł. Pulichava — zav. Nahornaha.
Hramadskaje abmierkavańnie prajekta prachodzić z 21 listapada pa 5 śniežnia.