Першая ахвяра цюбінга ў гэтым годзе
Пяцігадовы хлопчык ва Уздзенскім раёне атрымаў траўму галавы падчас катання на цюбінгу, паведамляе СК.
21.11.2022 / 13:02
Здарэнне адбылося вечарам 20 лістапада.
Пяцігадовы хлопчык са старэйшым братам і іншымі дзецьмі каталіся з гары ў аграгарадку Дзешчанка Уздзенскага раёна.
Падчас руху цюбінг сутыкнуўся з санкамі.
Хлопчык прыйшоў дадому і расказаў, што дрэнна пачуваецца, бацькам, якія выклікалі хуткую дапамогу.
Высветлілася, што хлопчык атрымаў цяжкую траўму галавы. Цяпер ён знаходзіцца ў бальніцы.