Biełarusy zmohuć hladzieć futbolnyja matčy čempijanatu śvietu. Ale nie pa televizary
Jak paviedamlaje pres-słužba ABFF, fiederacyja ŭsio ž damoviłasia ź FIFA ab pakazie ŭ Biełarusi matčaŭ čempijanatu śvietu-2022 u Katary. Tranślacyi buduć na aficyjnym sajcie FIFA, nieabchodna zarehistravacca.
20.11.2022 / 21:09
«My nie mahli pakinuć biełaruskaha zaŭziatara biez prahladu hulniaŭ mundyjalu. Niahledziačy na ŭsie składanaści biahučaj situacyi, my praviali vialikuju pracu ź FIFA i dabilisia prava tranślacyi matčaŭ čempijanatu śvietu na terytoryi našaj krainy», — zajaviŭ staršynia ABFF Uładzimir Bazanaŭ.
Tradycyjna tranślavaŭ futbolnyja suśvietnyja i jeŭrapiejskija čempijanaty kanał «Biełaruś 5». Ale hetym razam Biełteleradyjokampanija pad sankcyjami.