U Mahilovie źbirajucca ŭstalavać miemaryjalnuju šyldu Barysu Maisiejevu
Dyrektar niadaŭna pamierłaha rasijskaha artysta Siarhiej Haroch u telepieradačy «Ty nie pavieryš!» vykazaŭ namier ustalavać miemaryjalnyja doški i stvaryć pomnik u honar artysta. U Mahilovie płanujuć ustalavać šyldu na domie, u jakim Maisiejeŭ niekali žyŭ.
16.11.2022 / 23:58
Praŭda, tearetyčna pieraškodaj mohuć stać praviły ŭstalavańnia miemaryjalnych znakaŭ nie raniej za peŭny termin paśla śmierci asoby. U Mahilovie hety termin — 5 hadoŭ paśla śmierci znakamitaha čałavieka. Ale viadoma, što ŭ Biełarusi farmalnych zakonaŭ trymajucca zusim nie stroha, kali ŭ idei buduć vysokapastaŭlenyja zastupniki.
Barys Maisiejeŭ — rasijski tancoŭščyk i estradny śpiavak, jaki prasłaviŭsia dziakujučy epatažnym manieram. Mahiloŭ — jaho radzima, u Biełarusi jon pravioŭ dziacinstva i rańniuju maładość. A pamior Maisiejeŭ sioleta 27 vieraśnia na 69-m hodzie žyćcia ŭ Maskvie.