Biełarusaŭ złavili ŭ Koŭnie na kantrabandzie cyharet
Litoŭskija pamiežniki ŭ dvary doma na ŭskrajku Koŭna zaŭvažyli, jak čacviora mužčyn pierahružali z dnišča mikraaŭtobusa Fiat Ducato ŭ aŭtamabil Škoda kantrabandnyja cyharety, paviedamlaje delfi.lt.
16.11.2022 / 21:43
Fota: MKT
Kantrabandystami akazalisia troje hramadzian Biełarusi 23-ch, 35-ci i 36-ci hadoŭ, a taksama 35-hadovy žychar Koŭna. Mikraaŭtobus mieŭ niamieckija numary, a Škoda — litoŭskuju rehistracyju. Hramadzianie Biełarusi znachodzilisia ŭ Litvie na zakonnych padstavach.
Pavodle papiarednich padlikaŭ, ahułam znojdziena 11 493 pački cyharet Minsk.
Padazravanych u kantrabandzie ŭziali pad vartu. Pavodle litoŭskich zakonaŭ im pahražaje štraf albo pazbaŭleńnie voli terminam da 8 hadoŭ.