Na volu vyjšaŭ Aleh Famin
5 listapada ŭ 6 hadzin ranicy na volu vyjšaŭ palitviazień Aleh Famin. Jon adbyvaŭ svoj termin u Škłoŭskaj papraŭčaj kałonii № 17, piša Viasna.
05.11.2022 / 21:56
48-hadovy pradprymalnik, trenier pa futbole z Vaŭkavyska byŭ zatrymany 15 žniŭnia 2020 hoda i asudžany na 2 hady i 6 miesiacaŭ z adbyvańniem u kałonii ahulnaha režymu pa art. 364 KK (hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ). Taksama Aleh pavinien byŭ vypłacić «paciarpiełamu» milicyjantu Viačasłavu Ivanovu 2 000 rubloŭ.
Razam ź im da 1,5 hadoŭ «chatniaj chimii» była asudžana i jaho žonka Anastasija Famina, jakaja kinułasia mužu na dapamohu. Na sudzie Faminy svajoj viny nie pryznali.