Zatrymali žonku palitviaźnia Arcioma Aniščuka
Jak stała viadoma pravaabaroncam, u Minsku siońnia zatrymali žonku palitviaźnia Arcioma Aniščuka Volhu. Pryčyny i padrabiaznaści pakul nieviadomyja, piša «Viasna».
04.11.2022 / 18:30
28 śniežnia minułaha hoda Volhu Aniščuk užo zatrymlivali supracoŭniki HUBAZiKa. Pierad hetym doma ŭ Aniščukoŭ praviali pieratrus.
Nahadajem, Arcioma Aniščuka asudzili 3 lutaha 2021 hoda da dvuch hadoŭ kałonii za paškodžańnie mašyny supracoŭnika Departamienta vykanańnia pakarańniaŭ Alaksandra Hiejca. Jaho adpravili adbyvać termin u mahiloŭskuju kałoniju №15, dzie jon zaznaŭ katavańni i źbićcio. Tam suprać jaho zavodzili kryminalnuju spravu pa art. 411 KK (złosnaje niepadparadkavańnie patrabavańniam administracyi papraŭčaj ustanovy), na jaho akazvaŭsia cisk.
Arciom musiŭ vyjści na svabodu naprykancy červienia, adbyŭšy całkam termin u dva hady, ale jaho znoŭ zatrymali i asudzili pa novaj kryminalnaj spravie pa art. 369 KK za abrazu milicyjanta ŭ zakrytym telehram-čacie — da jaho zatrymańnia. Arciomu zastałosia adbyvać jašče kala hoda źniavoleńnia. Jon znachodzicca ŭ babrujskaj kałonii.