Košt «kvadrata» pry budaŭnictvie sacyjalnaha žylla pryviažuć da siaredniaha zarobku pa krainie

Košt adnaho «kvadrata» sacyjalnaha žylla z 1 studzienia 2023 hoda budzie pryviazany da siaredniaha pa krainie zarobku. Taki narmatyŭ zamacavany ŭ pastanovie Ministerstva budaŭnictva i architektury № 87 ad 17 kastryčnika, apublikavanaj na Nacyjanalnym pravavym internet-partale.

04.11.2022 / 18:20

Takim čynam, hraničny ceńnik na 1 kvadratny mietr žylla ŭ šmatkvaternych damach, jakija ŭzvodziacca ź dziaržpadtrymkaj, budzie ŭstalavany na ŭzroŭni naminalnaha naličanaha siaredniaha zarobku pa krainie.

Pa źviestkach Biełstata, u vieraśni hety zarobak skłaŭ 1637 rubloŭ — što ekvivalentna 656 dalaram pa kursie Nacbanka na 4 listapada.

Raniej košt «kvadrata» sacyjalnaha žylla byŭ pryviazany da siaredniaj zarpłaty taho rehijona, u jakim jano budavałasia.

Limitnaja cana «kvadrata» ŭ indyvidualnych žyłych damach pry hetym budzie pieraličvacca štohod pa stanie na 1 studzienia. Dla hetaha narmatyŭ koštu pamnožać na statystyčny indeks koštu budaŭniča-mantažnych rabot za studzień-śniežań raźlikovaha hoda da studzienia-śniežnia hoda papiaredniaha. 

Nashaniva.com