Інтэрнэт-крама «Міла» спыніла дастаўку тавараў у абласныя цэнтры
На сайце інтэрнэт-крамы сеткі «Міла» паведамляецца, што з 27 кастрычніка дастаўка тавараў робіцца толькі па Мінску і найбліжэйшых населеных пунктах.
04.11.2022 / 17:50
Раней крама дастаўляла тавары і ва ўсе абласныя цэнтры: Брэст, Гродна, Гомель, Віцебск і Магілёў.
Акрамя таго, крама на адну гадзіну скараціла час дастаўкі: раней было да 22:00, а цяпер да 21:00. Прычыны такіх зменаў кампанія не тлумачыць.
На мінулым тыдні сайт крамы, як і многіх іншых магазінаў, не працаваў. Прычынай гэтага называлі пераезд склада.
Таксама на мінулым тыдні стала вядома, што спыніў дастаўку ў рэгіёны і «Еўраопт». Праўда, не на ўсёй тэрыторыі — пакуль працягваецца дастаўка па Мінскай вобласці, абласных цэнтрах і Баранавічах.