Z 44 zatrymanych supracoŭnikaŭ Akademii navuk 41 vyjšaŭ na volu
Pavodle niepacvierdžanaj infarmacyi, troje čałaviek znachodziacca za kratami. U čym ich abvinavačvajuć — nieviadoma, paviedamlajuć pravaaabaroncy.
04.11.2022 / 14:02
Fota: BiełTA
Zatrymańni ŭ Akademii navuk adbylisia na minułym tydni.
«Našaj Nivie» viadoma, što zatrymlivalisia troje navukoŭcaŭ ź Instytuta bijaarhaničnaj chimii navukova-pramysłovaha centra «ChimFarmSintez». Ich adpuścili, ale ŭziali padpisku ab nierazhałošvańni.
Była zatrymanaja supracoŭnica Fizika-techničnaha instytuta. Jak minimum adno zatrymańnie adbyłosia ŭ prezidyumie NAN.
Supracoŭniki Kamiteta dziaržaŭnaj biaśpieki prychodzili taksama ŭ Centr daśledavańniaŭ biełaruskaj kultury, movy i litaratury. Heta, mahčyma, adbyłosia ranicaj 26 kastryčnika.
U Instytucie fiłasofii ŭ supracoŭnikaŭ praviarali telefony: prahladali fotahalereju i telehram. Toje ž samaje rabiłasia i ŭ inšych akademičnych instytutach.
Jašče ŭ adnym instytucie siłaviki razmaŭlali z supracoŭnikami ŭ kabiniecie dyrektara. Razmova viałasia sam-nasam. Ludziej zabirali z pracoŭnych kabinietaŭ i łabaratoryj biez papiaredžańnia. Niekatorym supracoŭnikam prapanoŭvali supracu ź siłavikami.
Častku zatrymanych zavieźli na dopyt u Kamitet dziaržaŭnaj biaśpieki i paźniej adpuścili. Častku, jak minimum 5 ci 6 čałaviek, adpravili na sutki na Akreścina.