U Baranavičach padletak skraŭ u mamy 2 tysiačy jeŭra, a skazaŭ, što kvateru abakrali
Incydent adbyŭsia ŭ siaredzinie kastryčnika, 17-hadovy navučeniec kaledža biez dazvołu ŭziaŭ bujnuju sumu hrošaj, a kab advieści ad siabie padazreńni, insceniravaŭ rabavańnie kvatery, paviedamlaje nashkraj.by
02.11.2022 / 12:46
Pra toje, što dadomu nibyta pranikli staronnija ludzi, chłopiec paviedamiŭ svajoj maci. Žančyna adrazu prymčałasia dadomu i pierš za ŭsio pravieryła, ci na miescy siamiejnyja źbieražeńni. Vyjaviŭšy, što hrošaj niama, jana adrazu paviedamiła pra heta ŭ milicyju.
Milicyja vyśvietliła, što hrošy ŭziaŭ syn paciarpiełaj. Da hetaha momantu jon užo paśpieŭ abmianiać 100 jeŭra ŭ banku, paśla čaho zrabiŭ staŭku ŭ bukmiekierskaj kantory.
Daviedaŭšysia, što dačynieńnie da źniknieńnia hrošaj maje jaje syn, žančyna zabrała zajavu ź milicyi.