U Hrodnie budujuć kvartał taŭnchaŭsaŭ
Žyły kvartał budzie nazyvacca «Aŭhustoŭski» i źjavicca jon u mikrarajonie Baranavičy-9, u rajonie vulic Tkackaj i Jubilejnaj. Niedaloka adsiul — vyjezd na Aŭhustoŭski kanał, piša partał newgrodno.by.
25.10.2022 / 18:28
Usiaho tut majuć pabudavać 57 damoŭ. Budaŭnictva pieršych 8 taŭnchaŭsaŭ užo startavała.
Damy pieršaj čarhi raźličanyja na 2 kvatery. Pad kožnuju vydzieleny ŭčastak u 6 sotak. Usie katedžy buduć vykananyja ŭ adnym architekturnym styli.
Płošča kožnaj kvatery budzie kala 100 «kvadrataŭ». Zdavać damy buduć biez azdableńnia. Prajektam praduhledžanyja dźvie spalni, kuchnia-haścioŭnia, sanvuzieł i terasa z boku dvara. Ale možna zamović i indyvidualnuju płaniroŭku.
Da damoŭ padviaduć usie kamunikacyi. Aciapleńnie praduhledžanaje hazavaje. Plity na kuchni pry hetym buduć elektryčnyja. Terytoryju kožnaha ŭčastka zaharodziać, pobač z domam abstalujuć parkoŭku.