U Minskim rajonie błakavali darohu na aryhinalnym transpartnym srodku VIDEA
Heta videa było źniata viečaram 21 kastryčnika ŭ Minskim rajonie. Sutnaść nastupnaja: troje mužčyn, siedziačy na čymści, što nahadvaje samarobny trycykł, jeduć pa darozie, raz-poraz pieraharodžvajučy šlach aŭtamabilam i prymušajučy ich tarmazić, paviedamlaje Onliner.by.
25.10.2022 / 09:31
«Jany jechali tak ad Siomkava haradka da Čučan, błakujučy prajezd usim mašynam, — raspaviała Natalla. — Aziralisia, kab bačyć, ź jakoha boku ich źbirajucca abjazdžać, a zatym pavaročvali tudy. Jašče i śmiajalisia».
«U pačatku videa možna zaŭvažyć, što mužčyny stajać pierad ramantavanym učastkam darohi i čakajuć, pakul padjeduć mašyny», — dadała čytačka.
U DAI skazali, što kantrol za vykanańniem praviłaŭ darožnaha ruchu na hetym učastku darohi budzie ŭzmocnieny, taksama budzie arhanizavana dadatkovaje patrulavańnie ŭ načny čas.
A pa fakcie parušeńnia PDR budzie praviedziena pravierka, dziejańniam udzielnikaŭ daduć pravavuju acenku.