Kancert-prezientacyja novaha vydańnia knihi «(Nie)rasstralanyja» adbudziecca ŭ Varšavie 30 kastryčnika
Litaraturna-muzyčnaja viečaryna prymierkavanaja da Nočy paetaŭ — mižnarodnaj akcyi pamiaci. Sioleta — 85-ja hadavina hetaj trahičnaj daty. U imprezie prymuć udzieł układalnik knihi Siarhiej Budkin, dramaturh Vasil Drańko-Majsiuk, aktorka Alena Bajarava, muzyka Aleś Dzianisaŭ, muzyčnyja prajekty Chornabrova i Relikt.
24.10.2022 / 21:29
Na kancercie-prezientacyi buduć hučać proza Michasia Zareckaha i fieljetony Anatola Volnaha, vieršy Michasia Čarota, Alesia Dudara, Todara Klaštornaha, Valery Marakova — tvorcaŭ, fizična źniščanych režymam u 1937 hodzie, ale čyje radki, čyj stvaralny duch žyvuć i siońnia.
Kniha «(Nie)rasstralanyja», dzie sabranyja historyi žyćcia, vybranyja tvory i archiŭnyja zdymki biełaruskich piśmieńnikaŭ, što byli represavanyja stalinskim režymam, pabačyła śviet u lutym 2021 hoda ŭ minskim vydaviectvie «Januškievič». Tady ŭ prodaž pastupiła ŭsiaho 100 asobnikaŭ.
Hety vydaviecki prajekt byŭ nazvany ekśpiertami «Knihaj hodu» u žanry non-fiction, a taksama atrymaŭ premiju imia Alesia Adamoviča, što ŭručajecca Biełaruskim PEN-centram za najlepšyja publicystyčnyja vydańni.
Vychodzić užo druhoje vydańnie «(Nie)rasstralanych». Na hety raz — u biełastockim vydaviectvie Kamunikat.
Impreza adbudziecca ŭ Muziei Volnaj Biełarusi (Foksal, 11) 30 kastryčnika a 18.00 pa miascovym časie. Uvachod volny!