Jakija harady i miastečki mohuć być u niebiaśpiecy, kali zdarycca padryŭ na Kachoŭskaj HES
Ukraina abvinavačvaje Rasiju ŭ płanach padarvać dambu Kachoŭskaj HES. Takim čynam rasijskaja armija mahła b prykryć adychod vojskaŭ i paražeńnie na Chiersonskim kirunku. Kali heta adbudziecca, dziasiatki tysiač ludziej apynucca ŭ zonie zatapleńnia. Bild apublikavaŭ kartu nasielenych punktaŭ, jakim moža pahražać niebiaśpieka ŭ vypadku padryvu damby.
23.10.2022 / 18:23
Zatapić moža bolš za 80 haradoŭ i miastečak.
«Minavańnie damby ŭ jakaści zbroi vajny — heta žudasnaja pahroza masavych zabojstvaŭ. Toje, što Rasija robić tam na Dniapry, — heta mietad, jaki «Isłamskaja dziaržava» ŭžo vykarystoŭvała na Jeŭfracie», — pryvodzić Bild słovy lidara niamieckaj partyi «zialonych» Amida Nurypura.
Kachoŭskaja HES — šostaja (nižniaja i apošniaja) prystupka kaskadu dniaproŭskich hidraelektrastancyj. Jana raźmieščanaja za 5 km ad horada Novaja Kachoŭka Chiersonskaj vobłaści. Na dadzieny momant hetaja terytoryja akupavanaja rasijskimi vojskami.
Dniami prezident Ukrainy Uładzimir Zialenski kazaŭ, što damba i ahrehaty Kachoŭskaj HES zaminavanyja rasijskimi vojskami.