U efiry BT nazvali imiony «ŭkrainskaha špijona» i nibyta zavierbavanych im biełarusaŭ
Dziaržaŭnyja ŚMI paviedamili pra zatrymańnie hramadzianina Ukrainy Paŭła Kupryjenki (suprać jaho zaviali kryminalnuju spravu ŭ suviazi z «ahienturnaj dziejnaściu») i dvuch biełarusaŭ — Tarasa Mačynskaha i Dźmitryja Sałaviančyka (suprać ich raspačali kryminalnyja spravy ab «zdradzie dziaržavie»).
21.10.2022 / 10:41
Pavodle KDB, zatrymanyja nibyta źbirali i pieradavali źviestki pra raźmiaščeńnie čyhunačnych vuzłoŭ i pieramiaščeńni vajskovaj techniki.
Pavał Kupryjenka — ukrainski biznesoviec, jaki šeść hadoŭ pražyvaŭ u Biełarusi. Paviedamlajecca, što supracoŭniki ŭkrainskich śpiecsłužbaŭ nibyta prysvoili Kupryjenku apieratyŭny psieŭdanim Snejk.