U Ofisie Cichanoŭskaj prakamientavali situacyju ź litoŭskim sanatoryjem «Biełaruś»
Ministerstva zamiežnych spraŭ Litvy prapanavała ŭzhadniać śpisy tych, chto pryjazdžaje ŭ sanatoryj, z Ofisam Śviatłany Cichanoŭskaj. Tam prakamientavali hetu prapanovu.
20.10.2022 / 10:03
Fota: Romas Sadauskas / Delfi
«Biełarusy, jakim nieabchodnaje lačeńnie i adpačynak, majuć prava adpačyvać u sanatoryi ŭ Druskininkai. Bo jon naležyć biełaruskamu narodu, a nie hrupie samazvancaŭ, jakaja zachapiła ŭładu. Absalutna nieprymalna, kab u hetym sanatoryi adpačyvali tyja, chto maje dačynieńnie da represij u Biełarusi i vajny va Ukrainie.
Ofis Cichanoŭskaj i adpaviednyja struktury hatovyja akazvać dapamohu ŭładam Litvy ŭ vieryfikacyi tych, chto jedzie tudy na adpačynak i reabilitacyju. Pakul sanatoryj «Biełaruś» znachodzicca pad kantrolem režymu. Ale my hatovy razmaŭlać z kiraŭnictvam sanatoryja naŭprost. Sanatoryj moh by pryniać na reabilitacyju dziaciej i svajakoŭ represavanych, jakija paciarpieli ad złačynnych dziejańniaŭ režyma», — zajavili pradstaŭniki demakratyčnaj lidarki Biełarusi.
Sanatoryj «Biełaruś», jaki naležyć Biełarusi, skardzicca, što Litva nie vydaje vizy hramadzianam Biełarusi, tamu jany vymušanyja zvolnić 1/4 častku piersanału. U adkaz na heta MZS Litvy prapanavała źviartacca ŭ Ofis Cichanoŭskaj dla ŭzhadnieńnia patencyjnych naviednikaŭ.