KDB patłumačyŭ, čamu śpiecnazaviec «Alfy» ŭciok za miažu
Kamitet dziaržaŭnaj biaśpieki apieratyŭna adreahavaŭ na nadrukavanuju «Našaj Nivaj» infarmacyju pra śpiecnazaŭca «Alfy», jaki źbieh za miažu. Havorka, jak paviedamiŭ pradstaŭnik KDB Andrej Jaraš, moža, maŭlaŭ, iści pra byłoha vajskoŭca, zvolnienaha 9 žniŭnia 2022 hoda «pa dyskredytujučych abstavinach».
18.10.2022 / 19:29
Pavodle vysokapastaŭlenaha kadebista, były vajskoviec u 2022 hodzie «ździejśniŭ šerah ašukanskich dziejańniaŭ u dačynieńni da hramadzian Respubliki Biełaruś, u vyniku čaho zavałodaŭ hrašovymi srodkami na ahulnuju sumu zvyš $30 tys. u ekvivalencie».
Tady, maŭlaŭ, u dačynieńni da jaho ŭzbudžanaja kryminalnaja sprava pa art. 209 (machlarstva) KK Respubliki Biełaruś, i z-za hetaha čałaviek i źjechaŭ. Ciapier ža jon abjaŭleny ŭ vyšuk.