Hurt «RSP» zapisaŭ novy sinhł pra padarožža ŭ časie
Hurt «Raźbitaje serca pacana» vypuskaje sinhł «Rovar». Heta kłasičnaje dla jaho źlićcio biełaruskaha roku i sumnaj ironii ab navakolnym śviecie.
18.10.2022 / 16:12
Śviet u 2022 hodzie — davoli strašnaje i surovaje miesca. Tamu i pieśnia «Rovar» — pra toje, jak ciapier usie biahuć u roznyja baki, ale nasamreč chočuć nie atrymać toj samy zapavietny «šenhien», a sieści na lubimy rovar ź dziacinstva i pieramiaścicca ŭ nie takoje dalokaje, ale jak byccam nazaŭždy zabytaje minułaje.
Słuchać tut.
Trek hučyć jak hatovy kancertny chit dla ŭsich biełarusaŭ-ekspataŭ.
«Razbitaje serca pacana» — minski rok-hurt, stvorany jašče ŭ kancy dzievianostych. U lutym 2022 hoda jany vypuścili albom «ŠansOff», zapisany pa matyvach administracyjnaha aryštu hurta ŭ Biełarusi ŭ 2021 hodzie.