Žurnalistka «Doždia»: Kali była ŭ 2020-m u Biełarusi, pabačyła toje, čaho nikoli nie bačyła ŭ Rasii
Žurnalistka Maša Barzunova, jakaja padčas pratestaŭ 2020 hoda pracavała ŭ Biełarusi śpieckaram dla telekanała «Dožd», u novym vypusku «vDud» zhadała pra toje, jakoje ŭražańnie zrabili na jaje biełarusy.
12.10.2022 / 13:10
«Ja kali była ŭ Biełarusi ŭ 2020 hodzie, ja pabačyła toje, čaho nikoli nie bačyła ŭ Rasii. Realna. Toje, jak ludzi lubiać adzin adnaho. I heta dziŭnaja štuka. Vielmi banalnaja, ale toje, jak jany siabie bierahli, bierahli adzin adnaho, jak jany lubili adzin adnaho i jak jany zaciahnuli mianie ŭ heta taksama — mianie heta ŭraziła. Chacia heta niejkaja supierbanalnaja reč, naohuł… u sensie — lubić adzin adnaho».
U žniŭni 2021 hodzie Barzunova vypuściła rezanansny film «Jak biełarusy biahuć ad režymu i na što spadziavajucca». Jon sabraŭ bolš za 2 młn prahladaŭ.
U žniŭni 2022 hoda Maryi zabaranili ŭjezd u Biełaruś. Jak paviedamiła žurnalistka ŭ svaim Telegram-kanale, joj dasłali skrynšot z bazy źviestak biełaruskaha MUS, dzie paznačana, što jaje ŭjezd na terytoryju krainy «zabaronieny albo niepažadany».