Rasčlanionaja kuryca pryviała da kryminalnaj spravy
Baranavickaja prakuratura raspačała kryminalnuju spravu pa fakcie biespadstaŭnaha pavyšeńnia cany na ptuškafabrycy «Družba».
12.10.2022 / 11:31
Słužbovyja asoby, «peŭna, viedajučy pra zabaronu štomiesiačnaha pavyšeńnia zvyš 1,2% cany na sacyjalna značny tavar», dali ŭkazańnie supracoŭnikam razrazać kuraniat-brojleraŭ na dźvie častki dla realizacyi pa zavyšanaj canie.
Kryminalnaja sprava zaviedzienaja pa artykule «Pieravyšeńnie słužbovych paŭnamoctvaŭ z karyślivaj i inšaj asabistaj zacikaŭlenaści». Sankcyja pa im — ad 2 da 6 hadoŭ pazbaŭleńnia voli.
Baranavickaja mižrajonnaja prakuratura raspačała kryminalnuju spravu pa fakcie nieabhruntavanaha pavyšeńnia cany na AAT «Ptuškafabryka «Družba».
Dyrektara hetaha pradpryjemstva, sienatara Vasiłija Markieviča zatrymali jašče ŭ žniŭni. Jak śćviardžaje śledstva, za chabar.