Расія нанесла масіраваны ракетны ўдар па Украіне, у тым ліку па Кіеве
Паведамляецца пра пуск дзясяткаў ракет. Яны былі скіраваныя як на аб'екты энергетычнай інфраструктуры, так і рандомна на жылыя кварталы гарадоў. Такім стаў адказ Расіі на падрыў Крымскага моста.
10.10.2022 / 09:01
«Некалькі выбухаў у Шаўчэнкаўскі раёне — у цэнтры сталіцы», — паведаміў мэр Кіева Клічко. Адна з ракет упала на вуліцы Уладзімірскай.
Дарадца кіраўніка МУС Антон Герашчанка заявіў, што адна з ракет узарвалася ў раёне помніка Грушэўскаму на вуліцы Уладзімірскай.
На фота бачныя палаючыя аўтамабілі.
Ноччу расіяне зноў абстралялі Запарожжа.
Таксама паведамляецца пра абстрэл Дняпра і Мікалаева.
Па жылых кварталах Мікалаева выпусцілі 10 ракет С-300.
У Славянску загінулі як мінімум чатыры чалавекі, адзін хлопчык цудам застаўся жывы: выбуховая хваля выкінула яго праз акно на вуліцу.
Паведамляецца таксама пра работу супрацьпаветранай абароны ў Хмяльніцкай, Львоўскай і Цярнопальскай абласцях.