Dvaim paciarpiełym u avaryi aŭtobusa «Varšava — Minsk» pad Fanipalem daviałosia rabić apieracyi
Pra situacyju z paciarpiełymi padčas avaryi aŭtobusa raskazaŭ namieśnik hałoŭnaha ŭrača pa chirurhii Minskaj kliničnaj balnicy chutkaj miedycynskaj dapamohi Ihar Šymanski.
04.10.2022 / 19:12
Fota: t.me/dzr_by
Jak adznačyŭ śpiecyjalist,
«u adnaho z dvuch paciarpiełych stan ciažki. U jaho była traŭma nižnich kaniečnaściaŭ i brušnoj połaści. Jon budzie znachodzicca na štučnaj vientylacyi lohkich».
Jak paviedamlałasia raniej, usiaho ŭ vyniku DTZ paciarpieli 15 čałaviek, 8 ź ich byli špitalizavanyja ŭ minskija kliniki, astatnija atrymali mieddapamohu na miescy. Usiaho ŭ balnicy chutkaj miedycynskaj dapamohi była akazanaja mieddapamoha 7 paciarpiełym.
U balnicu bryhadami chutkaj miedycynskaj dapamohi byli dastaŭlenyja šeść čałaviek, jašče adna pasažyrka źviarnułasia ŭ balnicu samastojna.
Siarod tych paciarpiełych, jakija źviarnulisia ŭ BSMP, dziaciej niama, usie pacyjenty darosłaha ŭzrostu, dva ź ich — žychary Hiermanii.
Ranicaj 4 kastryčnika niepadalok ad Fanipala adbyłasia avaryja, u jakoj aŭtobus mižnarodnaha rejsa «Varšava — Minsk» sutyknuŭsia z pahruzčykam, paśla čaho jaho adkinuła na lehkavy aŭtamabil. Pavodle papiarednich źviestak, u hetym aŭtobusie znachodzilisia dva kiroŭcy i 61 pasažyr.