Самы вядомы беларускі кот-блогер з'еў кавалак тапка і перанёс сур'ёзную аперацыю
Цяпер кот Пусік, у якога больш за 1,7 мільёна падпісчыкаў, аднаўляецца пасля аперацыі.
02.10.2022 / 15:28
У канцы верасня на канале выйшаў ролік, у якім гаспадары Пусіка распавялі пра сур'ёзную аперацыю ў іх гадаванца.
Два гады таму ў Пусіка пачаліся праблемы са здароўем: перыядычна ён губляў апетыт, яго ванітавала.
Нядаўна Пусік цалкам адмовіўся ад ежы і пачаў імкліва худнець. У ветклініцы прынялі рашэнне правесці дыягнастычную аперацыю. Падчас яе высветлілася, што ў страўніку ката быў 4-сантыметровы кавалк гумы, які ён два гады таму адгрыз ад тапка.
Увесь гэты час ні УГД, ні рэнтген нічога не паказвалі.
Цяпер кот аднаўляецца пасля аперацыі, ходзіць на кропельніцы і ўколы. Дактары даюць асцярожныя прагнозы на акрыянне.