Ministr abarony Ukrainy sumniajecca, što jadziernaja zbroja Pucina ŭ spraŭnym stanie
U intervju ahienctvu «Interfaks-Ukraina» ministr abarony Ukrainy Alaksiej Reźnikaŭ pryznaŭ, što ryzyki z boku «susieda ź jadziernym patencyjałam» zaŭsiody zastajucca, adnak da jahonaha ŭzbrajeńnia jość pytańni.
29.09.2022 / 21:59
Jak paviedamiŭ Reźnikaŭ, u 1997 hodzie ŭ toj jadziernaj zbroi, jakuju Kijeŭ pieradaŭ Maskvie, užo zakančvaŭsia termin prydatnaści. Hetuju infarmacyju pieradaŭ jamu druhi prezident Ukrainy Leanid Kučma.
«Hetu zbroju ŭsio adno treba było śpisvać i ŭtylizavać. My jaje ŭsiu addali ŭ Rasiju. Tamu pytańnie: a ŭ jakim stanie heta staryzna ŭ Rasii? Našy rakiety «Satana» ŭ Rasii jašče na ŭzbrajeńni, my ich rabili bolš za 40 hadoŭ tamu. I ŭźnikaje pytańnie: chto ich absłuhoŭvaje, pa jakich dakumientach i kolki hadoŭ hetym inžynieram…
Tamu možna nacisnuć knopku, ale heta moža bachnuć prosta tam», — ličyć Reźnikaŭ.
U ZŠA, adnak, surjozna staviacca da słoŭ Pucina ab mahčymym užyvańni jadziernaj zbroi, zajaviŭ na bryfinhu ŭ sieradu aficyjny pradstaŭnik amierykanskaj Rady nacyjanalnaj biaśpieki Džon Kirbi.