Śledam za staradaŭnim miačom na dnie Dźviny ŭ Połacku znajšli jašče i jakar
Połacki ratavalnik Alaksandr Bryl, amatar padvodnaj rybałki, niadaŭna znajšoŭ na dnie Dźviny na hłybini kala troch mietraŭ staradaŭni mieč, jaki pieradaŭ u Połacki historyka-kulturny zapaviednik. Rajonny viertykalščyk Ihar Markovič padčas prezientacyi prapanavaŭ bolš staranna daśledavać dno raki na pradmiet cikavych znachodak, i pry dapamozie śpiectechniki niešta tam sapraŭdy znajšli, piša sajt gorod214.by.
27.09.2022 / 20:33
Pry dapamozie śpiectechniki ratavalniki vyciahnuli ź Dźviny vialiki jakar. Jaho, jak patłumačyła dyrektar zapaviednika Maryna Čarnyšova, pakul aformiać na časovaje zachoŭvańnie, a restaŭratary tym časam zojmucca vyvučeńniem pradmieta.
«Jość idei dla vykarystańnia jakara ŭ afarmleńni nabiarežnaj. I heta simvalična: na praciahu niekalkich stahoddziaŭ Połack zasłužana źjaŭlaŭsia adnym z hałoŭnych centraŭ znakamitaha vodnaha handlovaha šlachu «z varahaŭ u hreki». Upeŭnieny, što čarhovaja znachodka zojmie hodnaje miesca», — napisaŭ u instahramie Ihar Markovič.
Da jakoha času adnosicca znachodka, pakul nie paviedamlajecca. U kamientarach da pasta viertykalščyka chtości ŭspomniŭ, što ŭ 70-ch hadach jakar nibyta stajaŭ pobač sa starym pomnikam vyzvalicielam Połacka.