Kanhres ZŠA papiarednie ŭzhadniŭ vydzialeńnie Ukrainie dadatkovych 12 miljardaŭ dalaraŭ dapamohi
Pradstaŭniki partyj Kanhresa ZŠA padčas pieramovaŭ u paniadziełak damovilisia praduhledzieć u biudžecie na nastupny, 2023-y finansavy hod (pačynajecca z 1 kastryčnika) amal 12 miljardaŭ dalaraŭ dapamohi dla Ukrainy, paviedamlaje Reuters.
26.09.2022 / 20:34
U pačatku vieraśnia stała viadoma, što prezident ZŠA Džo Bajden prosić Kanhres vydzielić Ukrainie 11,7 młrd dalaraŭ u jakaści ekstranaj dapamohi. Bieły dom śćviardžaŭ, što srodki nieabchodnyja dla padtrymańnia tempaŭ akazańnia dapamohi Ukrainie na praciahu pieršych troch miesiacaŭ 2023-ha finansavaha hoda, jaki pačynajecca ŭ pačatku kastryčnika.
Ahułam Złučanyja Štaty ŭžo vydzielili Ukrainie kala 17 młrd dalaraŭ dapamohi ŭ halinie biaśpieki z momantu pačatku pracy administracyi Bajdena, ź ich amal 16 miljardaŭ — z pačatku ŭvarvańnia Rasii 24 lutaha.