Zialenski: Pucin uvieś apošni miesiac pravodziŭ mabilizacyju, ale padraździaleńni ŭciakajuć
Prezident Ukrainy ŭ intervju niamieckamu vydańniu Bild zajaviŭ, što «častkovaja mabilizacyja», aficyjna abjaŭlenaja ŭ Rasii Uładzimiram Pucinym, była čakanaj i ničoha nie źmienić u płanach Ukrainy.
21.09.2022 / 17:21
Zialenski skazaŭ, što nie hladzieŭ zvarot Pucina: «U mianie jość usia nieabchodnaja infarmacyja… Ničoha novaha dla mianie. Našy śpiecsłužby i našy sajuźniki pra heta ŭžo skazali. Uvieś apošni miesiac jon pravodziŭ mabilizacyju».
«My ŭžo viedajem, što jany mabilizavali kursantaŭ, — chłopcaŭ, jakija nie ŭmieli vajavać. Hetyja kursanty zahinuli. Jany navat nie zmahli skončyć vučobu. Usie hetyja ludzi nie mohuć vajavać. Jany pryjšli da nas i hinuć… Jon bačyć, što jaho padraździaleńni prosta ŭciakajuć. Jamu patrebnaje miljonnaje vojska, kab pryjści da nas. Bo jon bačyć, što značnaja častka tych, chto da nas prychodzić, prosta biažyć. Jon choča ŭtapić Ukrainu ŭ kryvi, ale i ŭ kryvi ŭłasnych sałdat», — dadaŭ prezident Ukrainy.