Rasijski ŭrad čakaje, što zimoj zachodnija sankcyi stanuć jašče bolš adčuvalnymi
Urad Rasii rychtujecca da ŭzmacnieńnia sankcyj Zachadu ŭ najbližejšy čas. Ułady razhledzieli piać asnoŭnych napramkaŭ ŭzmacnieńnia žorstkaści sankcyj Zachadu na stratehičnaj siesii 30 žniŭnia pad kiraŭnictvam premjera Michaiła Mišustina, pišuć «Viedomosti».
19.09.2022 / 18:25
Pieršy kirunak tyčycca abmiežavańniaŭ mižnarodnaj mabilnaści rasijan, jakija pačalisia sa skasavańnia sproščanaha vizavaha režymu ź JeS i zakryćcia miežaŭ krain Bałtyi. Čynoŭniki taksama razhladajuć pahrozu dla pieramiaščeńnia pradstaŭnikoŭ biznesu, navuki i adukacyi, rastłumačyła blizkaja da ŭrada krynica.
Inšym kirunkam moža być pašyreńnie pieraliku «niedružalubnych» krain za košt uklučeńnia ŭ jaho azijackich handlovych partnioraŭ Rasii i členaŭ Jeŭrazijskaha ekanamičnaha sajuza. Faktyčna praca ŭ hetym kirunku ŭžo idzie: Zachad prapanuje Kitaju i Indyi dałučycca da ŭviadzieńnia stoli cenaŭ rasijskich enierharesursaŭ, a Kazachstan uzhadniaje handal z sankcyjami ZŠA.
Treci kirunak źviazany z pašyreńniem druhasnych sankcyj, ad jakich pacierpiać kampanii, što praciahvajuć pracavać z Rasijaj.
Čacviorty kirunak — pašyreńnie zabaronienych da pastaŭki ŭ Rasiju tavaraŭ i technałohij. Na siońniašni dzień Rasija nie moža zakuplać niekatoryja typy mašyn, transpartu i abstalavańnia ŭ JeS, a ŭ ZŠA — technałohii dla abaronnaj, aerakaśmičnaj i sudnabudaŭničaj halin.
Narešcie, piatym kirunkam mohuć być dadatkovyja abmiežavańni na ekspart enierhanośbitaŭ.