Арастовіч: Расійскія войскі трапіліся на разводку, што наступ будзе на поўдні
У эфіры «Фейгін Live» дарадца Офіса прэзідэнта Украіны расказаў пра сітуацыю ў Херсонскай вобласці.
11.09.2022 / 11:35
Па словах Аляксея Арастовіча, расійскія войскі трапіліся на разводку, што наступ будзе на поўдні, і перагналі туды войскі, і зрабілі так, што яны апынуліся зачыненымі, ізаляванымі без забеспячэння.
«Там самая баяздольная частка расійскіх войскаў, і тое, што мы іх там заманілі і заперлі — удача ваенная. Мы загналі туды мабільную пяхоту, якая магла б хутка перакідвацца ўздоўж лініі фронту і працаваць пажарнай камандай, якая запірае прарывы. Менавіта цяпер яе не хапае на ўсходзе. Гэта дэсантнікі, спецназ і гэтак далей», — падзяліўся ён.