Palitźniavolenamu rabočamu vynieśli prysud pa «spravie Zielcera»
Siońnia ŭ Hrodzienskim abłasnym sudzie vynieśli prysud 37-hadovamu palitviaźniu Alaksieju Siańko. Suddzia Anatol Zajac pryznaŭ mužčynu vinavatym pavodle art. 369 (abraza pradstaŭnika ŭłady) i č. 1 art. 130 (raspalvańnie inšaj sacyjalnaj varožaści) Kryminalnaha kodeksa. Prysud — dva hady pazbaŭleńnia voli ŭ kałonii ahulnaha režymu, piša «Viasna».
09.09.2022 / 16:41
Palitviazień byŭ zatrymany doma ŭ Słonimie 29 vieraśnia 2021 hoda.
«Stała tryvožna. Ja pazvaniła mužu, jon spačatku nie braŭ, paśla kaža: «Nie mahu razmaŭlać». My pajšli dadomu, padychodzim, a tam tyja troje jaho ŭžo vyvodziać. Jon paśpieŭ mnie šapnuć: «Heta KDB», — raspaviadała pra dzień zatrymańnia žonka Alaksieja.
5 lipienia 2022 h. KDB unios Alaksieja ŭ śpis «asob, jakija majuć dačynieńnie da terarystyčnaj dziejnaści».