U MZS Biełarusi prakamientavali situacyju z zatrymańniem pradstaŭnicy Jeŭrasajuza
U MZS Biełarusi prakamientavali situacyju ź niadaŭnim zatrymańniem pradstaŭnicy ES u Biełarusi Evieliny Šulc. Pradstaŭnik ministerstva Anatol Hłaz zajaviŭ, što ŭ Vienskaj kanviencyi siarod funkcyj dyppradstaŭnika niama «ni šastańniaŭ pa sudach, ni dačy adznak pracy sudovaj ułady…».
08.09.2022 / 20:19
Uvohule situacyju pradstaŭnik MZS RB nazvaŭ «naŭmysnaj pravakacyjaj», meta jakoj — «padšturchnuć biełaruski bok da niejkich bolš rezkich krokaŭ». Pra heta aficyjny Minsk užo zajaviŭ Brusielu.
Adnak Jeŭrasajuz nie zhodzien z takoj traktoŭkaj. Pradstaŭnik źniešniepalityčnaha viedamstva ES Pieter Stana 8 vieraśnia zajaviŭ: «Niezakonnaje zatrymańnie našaha dypłamata źjaŭlajecca surjoznym parušeńniem Vienskaj kanviencyi ab dypłamatyčnych adnosinach». Bo siarod funkcyj dypłamata jość punkt «vyśviatleńnie ŭsimi zakonnymi srodkami ŭmoŭ i padziej u dziaržavie znachodžańnia i paviedamleńnie pra ich».
Zatrymańnie Evieliny Šulc adbyłosia, kali jana vychodziła z pamiaškańnia suda paśla publičnaha abviaščeńnia prysudu pa vynikach zakrytaha sudovaha pracesu, pavodle jakoha dziesiać palitviaźniaŭ byli asudžany na nieabhruntavana doŭhija i žorstkija terminy źniavoleńnia. U milicyi Šulc praviała dźvie hadziny, chacia pakazvała milicyjanieram dypłamatyčny pašpart.