Biełaruskija banki dałučacca da kitajskaha anałaha SWIFT
Biełaruskija banki majuć namier padklučycca da kitajskaha anałaha apłatnaj sistemy SWIFT — nacyjanalnaj sistemy bankaŭskich pieravodaŭ CIPS. Pra heta paviedamiŭ pieršy vice-premjer urada Mikałaj Snapkoŭ.
06.09.2022 / 17:12
Pavodle Snapkova, pieršym heta zrobić Biełarusbank, a zatym za jaho prykładam pojduć i astatnija finansavyja ŭstanovy krainy.
Akramia taho, u Biełarusi płanujuć ukaranić jašče adnu mižnarodnuju apłatnuju sistemu. Havorka idzie pra UnionPay, stvorany ŭ 2002 hodzie Dziaržaŭnaj radaj i Narodnym bankam Kitaja. Užo ŭ śniežni, jak čakajecca, Biełarusbank vypuścić pieršyja płaciežnyja karty hetaj sistemy.
Z dapamohaj hetych kart, jak zapeŭnivaje Snapkoŭ, biełarusy zmohuć raźličvacca nie tolki ŭ miežach svajoj krainy i ŭ Kitai, ale i ŭ sotni inšych dziaržaŭ śvietu.