U viciebskaj kaviarni chłopcu zaščamiła palcy stałom, daviałosia vyklikać MNS
3 vieraśnia 23-hadovamu barmienu kaviarni «Joki» na vulicy Suvorava ŭ Viciebsku spatrebiłasia dapamoha ratavalnikaŭ, paviedamiła pres-słužba MNS. Sprava ŭ tym, što jamu zacisnuła palcy raskładnym stałom.
04.09.2022 / 23:11
U svojeasablivy kapkan patrapiła try palcy levaj ruki maładoha čałavieka. Da pryjezdu padraździaleńniaŭ MNS jon zmoh vyzvalić dva palcy samastojna, a voś adzin zachras zanadta mocna.
Ratavalnikam pryjšłosia raśpiłavać mietaličnyja kanstrukcyi stała bienzarezam, i tolki paśla hetaha ŭdałosia całkam vyzvalić ruku paciarpiełaha.
Paśla hetaha barmiena ahledzieli miedyki, jakija ŭ vyniku špitalizavali jaho ŭ balnicu dla akazańnia nieabchodnaj miedycynskaj dapamohi.