U Ašmianach abrynuŭsia ziernieskład, zavaliŭšy žančynu
Jak paviedamili ŭ MNS Biełarusi, viečaram u subotu (u 19:23) u Ašmianach abrynuŭsia budynak ziernieskłada, raźmieščanaha pa vulicy Čkałava. Abłomki abvalenaj kanstrukcyi i zbožža, jakoje zachoŭvałasia ŭ pamiaškańni, zavalili miascovuju žycharku, jakoj spatrebiłasia dapamoha.
04.09.2022 / 16:19
Prybyŭšy na miesca zdareńnia, ratavalniki akazali 40-hadovaj žančynie nieabchodnuju dapamohu, vyzvaliŭšy jaje z-pad abłomkaŭ.
Jak raskazaŭ pieršy namieśnik rajaddzieła MNS Alaksiej Baškiraŭ, praz toje, što niemahčyma było vykarystoŭvać avaryjny instrumient (paciarpiełuju prycisnuła belkaj), daviałosia pracavać uručnuju. Žančyna zastavałasia ŭ śviadomaści, na pytańni supracoŭnikaŭ MNS adkazvała, ale pry hetym skardziłasia na ciažkaść dychańnia i bol u nahach. Ratavalniki ŭ hety čas adnačasova raźbirali kanstrukcyi, jakija abvalilisia, strachavali paciarpiełuju, vyzvalali ad zbožža i budaŭničych abłomkaŭ nohi žančyny.
Vyzvaliŭšy paciarpiełuju, ratavalniki pieradali jaje rabotnikam chutkaj dapamohi, jakija prybyli na vyklik. Jany adpravili jaje ŭ rajonnuju balnicu.
Pryčyny i abstaviny abvalvańnia budynka vyśviatlajucca.