10-hadovaja dačka zatrymanaj Natałli Karniejevaj pa-raniejšamu znachodzicca ŭ prytułku
Na apieku nad dziaŭčynkaj padali zajavy troje blizkich ludziej Natałli, ale nichto ź ich całkam nie adpaviadaje kryteryjam (kroŭnaje svajactva, svaja žyłpłošča i «mietry» dla dziaŭčynki, daviedka ab zarpłacie za apošnija 6 miesiacaŭ), paviedamlaje Viasna.
04.09.2022 / 13:40
Pakul Bahdana ŭ «Sacyjalna-piedahahičnym centry z prytułkam Zavodskaha rajona Minska», jaje nielha zabirać na vychadnyja, tolki naviedvać pa dazvole ŭviečary z 17 da 19. Prykładna praz 3-4 miesiacy, kali nie pryznačać apiekuna z pradstaŭlenych varyjantaŭ, jana trapić u dziciačy dom. Učora paviedamlałasia, što z-za krataŭ vypuścili muža Natałli, adnak na situacyju z dziaŭčynkaj heta nijak nie paŭpłyvaje, bo Bahdana — nie jaho dačka. Nahadajem, Natałlu zatrymali 19 žniŭnia. Papiarednie, jaje vinavaciać va ŭdziele ŭ pratestach u 2020 hodzie (art. 342 KK).