Pinhvinu dali artapiedyčnyja boty. Pahladzicie, jak jon u ich chodzić
Čatyrochhadovy pinhvin Łukas, što žyvie ŭ zaaparku amierykanskaha San-Dyjeha, zmahajecca z padadermatytam. Heta infiekcyja, praź jakuju nohi ŭ ptuški mohuć apuchać, na ich mohuć zjaŭlacca balučyja ranki. Praz heta inšyja pinhviny ŭ zaaparku nie chacieli bavić čas z Łukasam, i jon adčuvaŭ siabie adzinokim.
31.08.2022 / 18:34
Fota: San Diego Zoo Wildlife Alliance
Ale ciapier u pinhvina jość ułasnyja artapiedyčnyja tufli, jakija mohuć vypravić prablemu, piša CNN.
Kab zrabić ich, supracoŭniki amierykanskaj kampanii Thera-Paw vypuścili Łukasa prajścisia pa piasku, a potym zrabili źlepki ź jaho śladoŭ. Z dapamohaj hetych źlapkoŭ jany zrabili dla pinhvina čornyja artapiedyčnyja bociki ź nieaprenu i humy z dadatkovaj padkładkaj na nizie. Čorny koler vybrali, bo jon maksimalna padobny da naturalnaha koleru noh pinhvina.
Kali na Łukasa nadzieli novy abutak, jon adrazu ž pajšoŭ u ich na špacyr. Ciapier, raskazvajuć supracoŭniki zaaparka, Łukas, užo dobra chodzić u botach, paśpiavaje za inšymi pinhvinami i navat moža ź imi kamunikavać. U pinhvina navat źjaviłasia siabroŭka.
Łukas — nie pieršaja žyvioła z zaaparka San-Dyjeha, jakoj spatrebiłasia dapamoha ŭ pierasoŭvańni. Niekalki miesiacaŭ tamu ekśpierty dapamahli trochmiesiačnaj žyrafie Msituni: joj zrabili śpiecyjalnyja artezy dla noh, bo praz pryrodžany defiekt Msituni nie mahła chadzić.