USU pačali nastupalnyja dziejańni pa šmatlikich napramkach na poŭdni Ukrainy

Pra heta zajaviła kiraŭnica abjadnanaha pres-centra Sił achovy i abarony «Poŭdzień» Natałla Humianiuk.

29.08.2022 / 13:34

Pradstaŭniki apieratyŭnaj hrupoŭki vojskaŭ «Kachoŭka» apublikavali na svajoj staroncy ŭ fejsbuku videa na jakim mierkavana rasiejski vajskoviec kaža, što ŭkrainskija vojski 29 žniŭnia «prarvali pieršuju liniju abarony i «***» [nanosiać udary] z usiaho, što tolki možna, z tankaŭ, avijacyi, artyleryi».

Pradstaŭniki «Kachoŭki» śćviardžajuć, što padčas bajoŭ 109 połk samaabvieščanaj DNR adyšoŭ sa svaich pazicyj — jak i rasiejskija desantniki, jakija zabiaśpiečvali padtrymku padraździaleńniam DNR.

Vydańnie «Hromadśkie» paviedamiła, što infarmacyju ab praryvie i adychodzie 109 pałka pacvierdzili try ich krynicy ŭ padraździaleńniach USU na poŭdni.

Pra toje, što USU pačali nastupalnyja dziejańni pa mnohich napramkach na poŭdni Ukrainy, taksama skazała «Hromadśkie» kiraŭnik pres-słužby kamandavańnia «poŭdzień» Natałla Humianiuk.

U apieratyŭnaj hrupoŭcy «Kachoŭka», taksama zajavili, što rakietami sistemy załpavaha ahniu HIMARS źniščanyja praktyčna ŭsie vialikija masty praz Dniapro ŭ akupavanaj rasijskaj armijaj Chiersonskaj vobłaści. Havorka pra Antonaŭski čyhunačny i aŭtamabilnyy masty, a taksama pra Novakachoŭski. «Kachoŭka» śćviardžaje, što zastalisia tolki piešachodnyja pierachody, a rasijskaja armija apynułasia adrezanaj ad pastavak uzbrajeńnia i asabistaha składu z terytoryi Krymu. «Dla Ukrainy heta bliskučy šaniec viartać svaje terytoryi», — havorycca ŭ ich paviedamleńni.

Raniej z’iaviłasia infarmacyja, što ab’iadnanaja hrupoŭka «Kachoŭka» prarvała pieršuju liniju abarony rasijan na Chiersonščynie.

U Novaj Kachoŭcy abvieščana masavaja evakuacyja.

Paviedamlać na kontrnastup ukraincaŭ pačali i zachodnija miedyja. 

Amierykanski žurnalist CNN Džym Šuta ŭ svaim tvitary napisaŭ, što dva vysokapastaŭlenyja amierykanskija čynoŭniki paviedamili jamu pra ŭkrainskija apieracyi na poŭdni Ukrainy, jakija padrychtujuć umovy dla ŭkrainskaha kontrnastupu. ZŠA miarkujuć, što kontrnastup budzie jak pavietranym, tak i naziemnym.

Padobnyja apieracyi z’iaŭlajucca standartnaj praktykaj pierad kontrnastupam i ŭklučajuć naniasieńnie udaraŭ pa sistemach ŭzbrajeńnia, kamandavańniu i kiravańniu, składach bojeprypasaŭ i inšych celach. 

Sa słoŭ vysokapastaŭlenaha amierykanskaha čynoŭnika, heta stała mahčymym dziakujučy tamu, što Rasija nie zmahła razharnuć na pieradavoj dastatkovuju kolkaść padraździaleńniaŭ. 

Čynoŭnik skazaŭ, što mnohija ź isnujučych rasijskich padraździaleńniaŭ, jakija Rasija arhanizuje ŭ bajavyja taktyčnyja hrupy, razhornutyja ŭ niapoŭnym składzie, niekatoryja navat u dva razy mienšyja ad ich zvyčajnaj kolkaści.

Nashaniva.com